MANILA, Philippines — Maaari na ngayong i-export ang chicken meat ng ating bansa sa South Korea.
Ito ay makaraang makakuha ang Pilipinas ng approval mula sa Korean government para sa accreditation at registration ng dalawang Philippine poultry facilities para ma-export ang chicken meat ng ating bansa sa South Korea.
Ang Cariño and Sons Agri-Development, Inc (CASADI) at LDP Farms Food Corporation (LDP) ang nakakuha ng export accreditation mula sa Korean government makaraang mag-comply sa requirements ng South Korea’s Animal and Plant Quarantine Agency of the Ministry of Agriculture, Food and Rural Affairs (MAFRA-APQA).
Malaki naman ang kumpiyansa ni Agriculture Secretary William Dar na ang naturang hakbang ay malaking tulong para sa expansion ng agricultural exports sa South Korea.
Sinabi ni Agriculture Attache Aleli Maghirang, ang ibang interesado sa Philippine poultry export establishments ay maaari ring mag-apply para sa export accreditation sa Korea.