120K nurses sa Pinas walang employment record
MANILA, Philippines — Inihayag ng Philippine Overseas Employment Administration (POEA) tinatayang nasa 120,000 nurses ang wala sa employment records ng bansa na isa umanong dahilan para sa ipinatupad na ‘deployment ban’ sa ibayong-dagat,
Ayon kay POEA administrator Bernard Olalia na base sa datos ng human resources bureau ng Department of Health (DOH), nasa 602,000 nurses ang nakarehistro sa kanilang database.
Sa bilang na ito, 183,000 ang naka-employ sa mga pampubiko at pribadong health facilities sa bansa habang 350,000 ang nasa ibang bansa.
“We therefore have a gap of almost 120,000. This is exactly the reason why the IATF (Inter-Agency Task Force Against COVID-19) imposed temporary suspension of the deployment of our nurses,” ayon kay Olalia.
Nagpatupad ang pamahalaan ng deployment ban nang pumutok ang COVID-19 noong 2020 hanggang sa payagan nang makapagtrabaho nang magtakda ng 5,000 deployment cap na itinaas ngayon sa 6,500.
Nanawagan naman ang Filipino Nurses United (FNU) sa pamahalaan na tanggalin na ang deployment ban para makapagtrabaho at makatulong sa kanilang mga kaanak ang mga nurses na walang trabaho ngayon.
- Latest
