Cavite grassfire: 500 pamilya nasunugan

MANILA, Philippines — Nasa 500 pamilya ang nasunugan ng bahay matapos na hindi naagapan ang isang grassfire sa Brgy. Santol, Tanza, Cavite, kamakalawa ng hapon.

Batay sa ulat, alas-2:30 ng hapon nang maiulat na may nagaganap na grass- fire sa nasabing barangay at dahil sa malakas na hangin ay umabot Ito sa kabahayan ng mga residente na tuluyang nilamon ng apoy.

Nabalewala na naman ang ipinatutupad na social distancing dahil sa pagbubuhat ng mga residente ng kanilang mga gamit para ito ay masalba at iligtas din ang mga sarili.

Umabot ng ikaapat na alarma ang sunog bago tuluyang naapula ang sunog at ang mga nasunugan ay dinala muna sa ilang covered court.