Drug pusher dedo sa buy bust

MANILA, Philippines — Hindi na umabot ng buhay ang isang 32-anyos na drug pusher matapos itong manlaban sa isang buy bust operation kahapon ng madaling araw sa Paltoc St., Sampaloc, Maynila.

Ang nasawi ay kinila­lang si Rechie Inocencio alyas “Chia”, ng Domingo Santiago St., Sampaloc, Maynila. Sa ulat, dakong ala-1:35 ng madaling araw ay isinagawa ang buy bust operation na kung saan ay nagpanggap na bibili ng shabu sa isang pulis kasama ang isang impormante ng P200 halaga ng shabu.

Nakahalata ang suspek at itinulak ang pulis at pinutukan ng baril ang mga nakaantabay na mga otoridad, subalit hindi tinamaan. Kaya’t gumanti ng putok ang mga pulis at nasapol ang suspek.