MANILA, Philippines — Pinagtataga ang mag-asawang matanda ng kanilang anak na may sakit sa pag-iisip kamakalawa ng umaga sa Brgy. Mabuhay, Siruma, Cam Sur.
Ang mag-asawa ay kinilalang sina Ricardo Cordial, 63-anyos at Leusarin Cordial, 61. Habang naaresto naman ang suspek na si Rey Cordial, 27 binata, na umano’y may diperensiya sa pag-iisip.
Sa ulat, dakong alas-8:00 ng umaga sa hindi pa malamang dahilan ay bigla na lamang umanong nagwala habang hawak ang isang itak ng suspek.
Gayunman, habang sinasaway ng kanyang mga magulang bigla nitong pinagtataga at pinagsasaksak sa iba’t ibang bahagi ng katawan.
Nang rumesponde ang mga pulis ay inabutan pa nila ang suspek habang nagwawala sa kanilang lugar.