Tatlo nalunod sa dagat

MANILA, Philippines – Nasawi ang tatlong katao kabilang ang dalawang menor-de-edad nang  malunod sa dagat kamakalawa ng hapon sa Ilocos Sur.

Ang unang insidente ay naganap dakong alas-3:30 ng hapon sa karagatan ng Brgy. Pagsanaan Norte, Magsingal, Ilocos Sur.

Nabatid na nagkatuwaan ang mga biktimang sina Miguel Perez, 12; Devon Mitchell Ramos,12 kasama ang kanilang mga kaibigan na maglangoy sa nasabing karagatan na kung saan nalunod ang una na ang bangkay ay narekober bandang alas-4:50 ng hapon.

Ang ikalawa ay naganap dakong alas-4:10 naman ng hapon nang malunod ang mga biktimang sina Rhea Molina, 12, Erica Mae Jacinto, 11 at Amado Tamayo, 78.

Si Tamayo  ay dead-on-arrival sa pagamutan, habang ang bangkay ni Jacinto ay lumutang sa karagatan  habang nasagip naman si Molina na kasalukuyan nang nagpapagaling sa hospital.