Naghanap ng butas si Joshua Munzon ng AMA Online para takasan si Marvin Hayes ng Family Mart-Enderun.
PBA D-League Images
SSC pinatibay ang tsansa sa No. 1 berth
Andrew Dimasalang (Pang-masa) - May 17, 2019 - 12:00am

MANILA, Philippines — Pinalakas ng Valencia City Bukidnon-SSC ang tsansang masikwat ang top seed sa Founda­tion Group nang igupo ang CD14 Designs-Tri­nity, 105-82, sa 2019 PBA-Developmental League sa Yna­res Sports Arena sa Pasig City ka­ha­pon.

Namuno para sa Gol­­den Harvest si Em­ma­nuel Bonleon na umiskor ng 20 points sa first quarter kung saan umabante agad sila sa 36-23.

Sapat na ang lamang na iyon para sa Valencia nang paalagwahin pa nila ito hanggang sa 25 puntos tungo sa mala­king panalo.

Nakasos­yo ng Valencia ang CEU sa unang puwesto ng Foundation Group hawak ang 7-1 baraha papasok sa hu­ling laban nila sa elimination round.

“Ang focus namin is one game at a time. May opportunity sa top spot at dahil doon, na-mo­tivate ang mga ba­ta, so why not?” wika ni head coach Egay Macara­ya na nakasiguro ng ‘twice-to-beat’ incentive sa crossover playoffs kon­tra sa Aspirants Group.

Nagtapos na may 23 points si Bonleon at nagbuhos ng 28 mar­kers, 6 rebounds, 3 steals at 2 assists ang lider na si Allyn Bulanadi.

Nag-ambag din ng double-double na 16 points at 11 rebounds si JM Calma para sa SSCR-backed Valencia na naghahanda rin para sa nalalapit na NCAA Season 95.

Sa kabilang banda, bigo pa ring makarehistro ng panalo ang CD14 Designs-Trinity sa kabila ng 22 points at 9 rebounds ni Clark Derige.

Sa isa pang laro, ti­nambakan din ng Fami­ly Mart-Enderun ang AMA Online Education, 116-94, upang makuha ang una nilang panalo sa D-League debut.

Nagtala ng 4 points, 7 rebounds at 7 assists si Valandre Chauca upang giyahan ang atake ng Ti­tans na pinaganda ang mar­ka sa 1-6.

2019 PBA-DEVELOPMENTAL LEAGUE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with