_pang-masa
^

PM Sports

Big game ni Chris para sa Painters

Russell Cadayona - Pang-masa
Big game ni Chris para sa Painters
Nakahugot ng foul si Jay Washington ng Rain or Shhine kay NLEX bigman Asi Taulava.
PM photo ni Ernie Peñaredondo

MANILA, Philippines — Sa kanyang posibleng pinakahuling laro bilang PBA player ay ibinuhos nang lahat ni guard Chris Tiu ang kanyang makakaya.

Nagsalpak ang 33-anyos na si Tiu ng career-high na 30 points para tulungan ang sibak nang Rain or Shine na talunin ang NLEX, 107-101, sa huli nilang laro sa 2018 PBA Governor’s Cup kahapon sa Smart Araneta Coliseum.

Tumipa si Tiu, ang No. 7 overall pick noong 2012 PBA Draft, ng 9-of-22 fieldgoal shooting at 9-of-11 clip sa free throw line para sa pangatlong panalo ng Elasto Painters sa 11 laro.

“I just wanted to end it nicely, end it elegantly. I’m so happy to be a part of the Rain or Shine fa­mily,” wi­­ka ng dating point guard ng Ateneo De Manila Uni­versity Blue Eagles sa UAAP.

Nag-ambag si Jewel Ponferrada ng 13 points ka­su­nod ang tig-12 at 10 markers nina Dexter Maiquez at Norbert Torres at rookie Rey Nambatac.

“Maybe he might be retiring. With 30 points, may­be he should not retire,” ani coach Caloy Garcia kay Tiu. “Decision niya ‘yun. This game is for Chris.”

Nalasap naman ng Road Warriors ang ikaanim na kabiguan at maaaring maupo sa No. 7 seat sa eight-team quarterfinal round.

Ang No. 1, 2, 3 at 4 teams ang magbibitbit ng ‘twice-to-beat’ advantage kontra sa No. 8, 7, 6 at 5 squads, ayon sa pagkakasunod, sa quarterfinals.

Ipinoste ng NLEX ang 16-point lead, 46-30, sa second quarter bago nakabangon ang Rain or Shine, nag­laro nang wala sina import Terrence Watson, Beau Belga at Raymond Almazan, para ilista ang 82-74 bentahe sa pagtatapos ng third period.

Ang three-point shot ni Tiu ang nagpalaki sa kala­mangan ng Elasto Painters sa 97-78 sa 7:37 minuto ng final canto hanggang maputol ito ng Road Warriors sa dulo ng labanan.

Samantala, pupuntiryahin naman ng nagdedepensang Barangay Ginebra ang No. 1 berth sa quarterfi­nals sa pakikipagtuos sa TNT Katropa ngayong alas-6:45 ng gabi matapos ang bakbakan ng Phoenix at Blackwater sa alas-4:30 ng hapon sa Big Dome.

 

 

CHRIS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with