NBA finals rematch

Warriors itinakda ang giyera nila ng Cavs

HOUSTON — Muli na namang humataw ang Golden State Warriors sa third quarter para res­bakan ang Rockets, 101-92, sa Game Seven at ma­kapasok sa NBA Finals sa pang-apat na dikit na sea­son.

Kumamada si Kevin Du­­rant ng 34 points kasu­nod ang 27 at 19 mar­kers nina Stephen Curry at Klay Thompson, ayon sa pagkakasunod, para isa­ra sa 4-3 ang kanilang Western Conference best-of-seven championship se­ries nila ng Houston.

Katulad ng kanilang pag­bangon mula sa 17-point deficit sa Game Six ay bumawi din ang Warriors buhat sa 15-point disadvantage sa Game Seven para talunin ang Rockets.

“We know we can make an 11-point lead eva­porate with two mi­nutes of good basketball,” wika ni Thompson.

Tinapos ng Houston ang laro na may malam­yang 7-of-44 shooting sa three-point line kung sa­an nagtala si Trevor Ariza ng 0-of-9, habang si Eric Gordon ay may 2-of-12 at si James Harden ay ku­monekta lamang ng da­lawa mula sa itinirang 13.

“We were lucky to escape out of here,” sabi ni Golden State coach Steve Kerr.

Inagaw ng Warriors ang seven-point lead laban sa Rockets papasok sa fourth period at itinala ang 10-point advantage mula sa 3-pointer ni Thompson sa 9:30 minuto ng laro.

Ang triple ni Durant ang nagbigay sa Golden State ng 86-75 kalama­ngan laban sa Houston, nai­­mintis ang 27 sunod na tira sa 3-point line ma­tapos ang tres ni Curry.

Iniskor ni Curry ang 14 sa 33 points ng Warriors sa third quarter kung saan nanlamig naman ang shooting ng Rockets.

Nakatakda ang Game One ng NBA Finals sa Oracle Arena sa Oakland, Ca­lifornia sa Biyernes (Ma­nila time) para sa ika­apat na sunod na pagtu­tu­os ng Golden State at ng Cleveland Cavaliers ni Le­Bron James.

“We obviously know what LeBron’s capable of,” sabi ni Curry sa four-time NBA MVP na si James. “It’s a new team over there, so the other guys, we’ve got to lock in on their tendencies. But we’ll worry about that when we get home.”

Umiskor si Harden ng 32 points sa kabiguan ng top-seeded Rockets na muling makapasok sa NBA Finals sa unang pag­kakataon matapos no­ong 1995.

Hindi natunghayan sa sahig si point guard Chris Paul sa ikalawang sunod na laro dahil sa hamstring injury.

“We just didn’t have that extra juice that we needed,” sabi ni Harden sa kabiguan nila.

Nagpasabog ang Gol­den State ng 33 points sa third quarter para sa ika­la­wang sunod na laro, sa­mantalang umiskor lamang ang Houston ng kabuuang 15 points ma­ka­raang tumipa ng 16 markers sa third period ng Game Six.