Magandang simula sa Bakers

LARO SA MARTES (JCSGO Gym, Cubao, Quezon City)

2 p.m. Racal Tile vs AMA Online Education

4 p.m. Phoenix vs Tanduay

MANILA, Philippines - Magandang panimula sa pagdepensa sa Foundation Cup title ang nagawa ng CafeFrance Bakers nang talunin ang Topstar ZC Mindanao Aguilas sa iskor na 89-64 sa Ynares Sports Arena sa Pasig kahapon sa opening day ng 2016 PBA D-League Foundation Cup.

Tumapos na may 21 puntos si Carl Bryan Cruz habang nag-ambag naman ng 17 si Paul Zamar para sa Cafe France na nais makabawi sa kanilang runner-up finish sa nakaraang Aspirant’s Cup.

Nagpakawala ang Bakers ng 20-6 run para sa magandang simula ngunit nanlamig sila sa second half para makalapit ang  Aguilas sa anim na puntos, 45-39 sa kalagitnaan ng third quarter.

“They have to understand that they have to overcome those obstacles. I just let them feel and understand na kaya nila ‘yan. Sometimes, they have to learn to compose themselves and not rely on the coaches,” pahayag ni Bakers coach Egay Macaraya.

Muling lumayo ang Cafe France sa pagbibida nina Cruz at Zamar na lumayo ng 28-puntos, 86-58.

Sa ikalawang laro, tinalo ng Tanduay Rhum Masters ang AMA University Titans sa iskor na 72-66.

Nanguna sa scoring ang mga dating pro na sina Rudy Lingganay at Jaypee Belencion na nagtala ng 12 at 11 puntos para sa Rhum Masters. (FML)

CAFE FRANCE 89 - Cruz 21, Zamar 17, De Leon 12, Ebondo 11, Opiso 7, Abundo 6, Casino 6, Villahermosa 6, Jeruta 2, Manlangit 1, Arim 0, Cortez 0.

Topstar ZC Mindanao 64 - Garcia 11, Jumao-as 11, Argamino 9, Cabrera 9, Cawaling 8, Ignacio 6, Sarangay 6, Ongteco 4, Acosta 0, Dadjilul 0, Rivera 0, Rono 0, Tano 0.

Quarterscores: 20-9, 43-24, 59-43, 89-64.

TANDUAY 72 - Lingganay 12, Belencion 10, Celda 8, Javillonar 7, Mendoza 7, Santos 7, Vigil 6, Alolino 4, Tagarda 4, Acibar 3, Acuna 2, Gotladera 2, Cenal 0, Stevens 0.

AMA 66 - Asuncion 18, Belleza 18, Publico 8, Bragais 5, Jordan 5, Jo. Montemayor 4, Ragasa 4, Arambulo 2, Je. Montemayor 2, Calma 0, Dizon 0, Macaranas 0, Magpantay 0, Olivares 0.

Quarterscores: 13-15, 33-29, 62-42, 72-66.