Galang ipaparada ng La Salle
MANILA, Philippines – Muling matutunghayan ang paglalaro ni Ara Galang para sa De La Salle sa pagsagupa sa Far Eastern University sa UAAP Season 78 women’s volleyball tournament sa Philsports Arena.
Ibabandera ng Lady Spikers si Galang kontra sa Lady Tamaraws ngayong alas-4 ng hapon matapos ang salpukan ng UST Tigresses at Adamson Lady Falcons sa alas-2.
Si Galang ay nagkaroon ng knee injury sa semifinal round ng UAAP 11 buwan na ang nakakalipas.
Makakatuwang ni Galang para sa Lady Spikers sina Kim Dy, Cyd Demecillo, libero Dawn Macandili at setter Kim Fajardo.
Sumabak ang La Salle sa club league at ipinarada sina Mika Reyes, Majoy Baron at Christine Soyud.
Itatapat naman ng Lady Tamaraws sina setter Gyzelle Sy, Bernadeth Pons, Remy Palma, Jerilli Malabanan, Toni Rose Basas at rookie Carly Hernandez.
Sa men’s division, lalabanan ng La Salle ang University of the East sa alas-10 ng umaga matapos ang laro ng National University at Adamson sa alas-8.
- Latest
