Sinisingil sa utang

Panaginip: Napanaginipan kong sabay-sabay na nagpuntahan sa aming bahay ang aking mga kamag-anak para maningil ng utang. Ang mga kamag-anak na naniningil ay mga patay na in real life.

Aking ipinaliwanag na wala akong pera sa kasalukuyan pero magkakapera ako sa susunod na buwan kaya nagsabi ako ng petsa kung kailan sila dapat bumalik. Umalis sila na nagtatawanan dahil pilit nilang pinagkakasya ang mga sarili nila sa isang kotseng maliit. Sa pagtatawanan natapos ang panaginip. - Sophie

Interpretation: May isyu sa iyong pamilya na hanggang ngayon ay hindi nareresolusyunan. Ang isyu ay maaaring pag-aagawan sa pera o materyal na bagay. Ang paniningil sa iyo ng utang ay simbolo ng mga tao sa iyong buhay na very demanding. Sila ‘yung pamilya mo na laging nakadepende sa iyo o mga kasamahan sa trabaho na nag-e-expect sa iyo nang malaki.