Sex Addict na Mister

Dear Vanezza,

Hindi ko na matiis ang ginagawa ng mister ko. Pinatawad ko na siya sa una niyang pambabae at nagkaroon sila ng isang anak na lalaki. Ngayon ay nagkaanak na naman siya sa ibang babae ng baby girl. Magkaibang babae, pero parehong nagtatrabaho sa club house na madalas puntahan ng mister ko. Addict na sa sex ang mister ko na hindi kuntento sa iisang babae, kundi tatlo pa kaming nagsasalo sa kanya. Hindi ko na masikmura at nandidiri na ako. Gusto ko nang makipaghiwalay! Ano ba ang gagawin ko? – Luzy

Dear Luzy,

Baka puwedeng bigyan pa si mister ng ultimatum upang maisalba ang inyong pagsasama. Pero ikaw pa rin ang magdedesisyon. Maaaring lumapit sa abogado upang mapayuhan ng dapat gawin.

Sumasainyo,

Vanezza