Hamon bilang ama ng tahanan

Sigaw kadalasan ng mga kababaihan na ang mga lalaki ay dapat tumayong responsableng tatay at mister. Pero ang nakalulungkot, maraming tahanan na walang lalaking tumatayong ama sa kanilang mga anak.

Ang resulta, lumalaki ang mga bata na walang naghuhubog ng kanilang character, walang kumakalinga na puwede nilang iyakan; na handa sana silang samahan o damayan. Ang daming bata na hindi nakagisnan ang kanilang mga tatay. Nakalulungkot na napapahamak ang mga anak na nauuwi sa kulungan. Kailangang kausapin ng mga  mister ang kanilang misis na tulungan silang harapin ang hamon bilang asawa at tatay. Pag-usapan kung paano pangangalagaan at protektahan ang pamilya at mga anak.  Ang totoo, lahat ay nangangailangan ng encouragement upang maging mabuting tatay at nanay na kailangan ng mga anak.