Biktima ng Cyberbullying

Anong gagawin kapag biktima ng cyberbullying ang anak? Ang general na advice ay huwag mag-react o gumanti. I-block ang classmate na nam-bully, i-print out ang messages na gagamiting ebedensiya sa kaso kapag kailangan.

Importanteng tanungin ang anak kung ano ang nangyari. Tulungan silang mag-isip kung ano ang gagawin. Kung ano ang nararamdaman nila at kung ano ang plano nilang gawin. Walang nakakaalam kung paano ang  solusyon sa problema, hanggang maintindihan muna maigi ang lahat. Importante na isama ang bata sa lahat ng proseso at hindi bilang paghihigante ng magulang.

Ang main goal ay kung paano matutulungan ang anak na magkaroon muli ng self-confidence at gawing safe ang bata physically o emotionally.