Gawing productive ang summer

Halos lahat ay matatapos na ang klase ngayong Biyernes, panahon naman ng bakasyon para makapag-relax. Pero kadalasan ay simula na rin ng pag-untog ng mga ulo ng mga bata sa pader dahil sa nabo-boring ang mga ito. Bilang magulang o yaya ng mga bata, ngayon pa lang  ay tulungan nang magplano ng mga kids para  ma-entertain o maging active ang kanilang bakasyon.

Magplano ng mga tricks kung paano magiging productive ang kanilang summer sa mga gusto nilang gawin kaysa sa panonood lang ng mga cartoons at maglaro ng kanilang mga gadgets.

Samantalahin ang magandang panahon sa gitna ng init ng araw at mainit na gabi. Maghanda ng mga bagong gagawin o pupuntahan ang mga bata. Ilista ang mga workshop, training, summer sports clinic, kaya ang pag-uwi sa probinsiya, at iba pang get away activities na gusto nilang matutunang gawin ngayon bakasyon.

Ngayon din ang pagkakataon kung gusto nilang mahasa sa pagkanta, pagsasayaw, pagpipinta, pagdo-drawing, paglalaro ng bastketball, volleyball, mag-enroll kung paano umarte, rumampa, o personality development workshop, at iba pang ideas na magpupuno ng kanilang oras na ikatutuwa ng mga bata at para rin ma-improve ang kanilang personalidad. Siguraduhin din na ligtas ang kanilang mga activities at pupuntahan upang malayo sila sa trouble ngayong bakasyon.