BarDa, may kasunod na megaserye!

MANILA, Philippines — Masaya ang finale episode ng Maging Sino Ka Man ng Team BarDa nina Barbie Forteza at David Licauco last Friday, Nov. 3.

Siguradong mami-miss ng kanilang fans ang happy ending na wedding nina Monique at Carding, kahit medyo tago ang kissing scene nila.

Mukhang hindi sila matagal mami-miss ng BarDa fans dahil naka-set na raw simulan ng GMA Network ang isang megaseries na may title na Pulang Araw na set in the Japanese era, na muli nilang pagtatambalan.

Ito na ba ang pahiwatig ni David sa huling interview sa kanya na muli silang gagawa ng isang historical serye na tulad ng Maria Clara at Ibarra kaya raw mag-aaral naman siya ng language na gagamitin dito, tulad ng Spanish sa mga eksena nila sa Maria Clara at Ibarra.

Sino kaya ang isa pang gaganap sa Pulang Araw? Sabi kasi, “it is a cast ensemble including 3 of the biggest Kapuso stars.”