Eala seeded No.17 sa US Open

CEBU, Philippines — Si Alex Eala seeded No.17 sa 2026 US Open, nga gikatakda gikan sa Agosto 30 ngado sa Septiembre 13 didto sa USTA Billie Jean King National Tennis Center sa Queens, New York.

Mao kini ang labing taas nga seeding sa Pinay tennis sensation sa usa ka Grand Slam nga torneyo.

Makigsangka siya batok sa usa ka qualifier sa unang hugna.

Kon modaog, si Eala makigtigi sunod batok ni Oleksandra Oliynykova sa Ukraine o ni Reese Brantmeier sa Amerika.

Ang tinuod nga gubat alang sa 21-anyos nga si Eala magsugod sa ikatulong hugna diin lagmit iyang makaharong ang suod niyang higala ug karibal nga si Iva Jovic.

Kaduha na sila nagka-engkwentro sa  WTA Tour diin si Jovic ang midaog sa kanunay.

Kahapon lamang, gibuntog na sab ni Jovic si Eala 6-3 sa ilang Stars of the Open exhibition match sa dili pa ang US Open. — EBV