McCullough papalit kay Bol
MANILA, Philippines — Noong Linggo ay personal na pinanood ni dating San Miguel import Chris McCullough ang dramatikong 77-75 panalo ng TNT Tropang 5G kontra sa Meralco para kunin ang 2-1 lead sa kanilang Season 50 PBA Commissioner’s Cup semifinals series.
Ang 6-foot-9 na si McCullough ang posibleng pumalit kay injured import Bol Manute Bol para sa kampanya ng Tropang 5G sa kanilang best-of-seven duel ng Bolts.
“I think the stability and maturity of somebody who’s been here already has won before,” ani TNT coach Chot Reyes sa 31-anyos na si McCullough na gumiya sa Beermen sa paghahari sa 2019 Commissioner’s Cup.
Si three-time PBA champion at Best Import Rondae Hollis-Jefferson ang tumawag kay McCullough para sumalo sa naiwang trabaho ng 7’3 na si Bol.
Kaagad na tinanggap ng Tropang 5G players ang No. 29 overall pick ng Brooklyn Nets sa 2015 NBA Draft.
“It’s crazy I know playing with them, I’m taking it one day at a time. They welcomed me in the locker room, they welcomed me here so it should be good. I’m ready to play,” sabi ni McCullough.
Nauna nang ikinunsidera ng TNT sina NBA-caliber imports like Darius Days at Marquese Chriss bago pinili si naturalized player Malick Diouf.
Ngunit hindi kaagad nakakuha ng clearance ang 6’9 na si Diouf.
“We still want to see both of them because we want to see who will fit us better,” ani Reyes kina McCollough at Diouf. “Well, we all know the caliber of McCollough, except we’re not really sure the kind of game shape he’s been coming off his stint in Taiwan. But at least he’s been playing.”
Bago naman ang nasabing panalo ng Tropang 5G sa Bolts ay nag-text si Bol kay Reyes.
“For him, hindi niya iniisip ‘yung future niya, ‘yung career niya. Nanghihinayang lang siya na hindi siya kasama namin,” ani Reyes sa dating NBA center. “I read that message to the guys before the game and I said that there is something that is greater here than just basketball.”
- Latest
