UC Webmasters gisubhan og daog sa Davao
CEBU, Philippines — Ang University of Cebu (UC) Webmasters miabli sa ilang kampanya pinaagi sa 62-57 nga pagpakaging sa Benedicto College (BC) Cheetahs pagsugod sa 89th Araw ng Dabaw Invitational Basketball Tournament niadtong Huybes sa gabii, Marso 12, didto sa Davao City Recreation Center.
Si Ricofer Sordilla maoy nangu sa Webmasters uban ang 18 puntos, upat ka rebonds, tulo ka assists, ug duha ka steals.
Ang Webmasters abante lamang og dos puntos, 35-33, sa halftime apan milusad og nagkayong 18-6 rally sa ikatulong kuwarter aron pagposte og double-digit nga bentaha, 53-49, padung sa pinal nga 10 minutos.
Nakasustinir ang UC sa ilang kainit aron paburoton ang ilang labaw ngadto sa 17 puntos, 60-43, sa naghinapos nga bahin sa duwa.
Ang Webmasters mipakgang sa madasigon nga resbak sa Cheetahs sa endgame aron paglakaw ngadto sa singko puntos nga kadaogan.
- Latest
