Mga minugbong balita

Bogdanovic nabali ang tuong tuhod

CEBU, Philippines — Guwardiya sa Atlanta Hawks nga si Bogdan Bogdanovic nakaangkon og avulsion fracture sa iyang tuo nga tuhod ug bone bruise atol sa ilang duwa sa Charlotte Hornets niadtong Domingo.

Nahiagoman ni Bogdanovic ang injury atol sa second quarter samtang nagdribol ug misuway og likay aron dili mailogan ni LaMelo Ball. Nasapid ang tuo niyang tikod ug nahagba diin nag-una ang iyang tuong tuhod.     Ang 28-anyos nga si Bogdanovic mi-average og 9.9 puntos sa iyang unang season uban sa Atlanta.

Mcgregor tumbahon si Poirier

Nangahas si Conor McGregor nga iyang tumbahon si Dustin Poirier sud lang sa 60 segundos. Sila si McGregor ug Poirier mag-abot sa ikaduhang higayon sud sa Octagon karong Enero 23 didto sa Abu Dhabi. Si McGregor mobalik sa Octagon sa unang higayon sukad niadtong Enero 2020 aron harungon si Poirier sa main event sa UFC 257 karong Enero 23 didto sa Abu Dhabi.   Si McGregor mipaundang ni Poirier sud lamang sa duha ka minutos sa ilang unang sangk sa UFC 178 niadtong Septiyembre 27, 2014.