Rookie mibihag sa Lakers

CEBU, Philippines – Nagpaila ang rookie nga si Ja Morant ug gipakita niya nga usa siya ka umaabot nga NBA superstar human niya pangulohi ang Memphis Grizzlies nga mimasaker sa Los Angeles Lakers, 105-88, kagahapon didto sa ilang balwarte sa Memphis, Tennesse.

Si Morant kinsa nag-unang kandidato alang sa Rookie of the Year, mibomba og 27 puntos ug 14 ka assists aron pangulohan ang Grizzlies nga misud na sa top eight sa Western Conference division.

“We just locked in, stayed focused, learned from our losses and came out and played a full 48 (minutes),” matud ni Morant sa NBA.com. “We were able to come out with a great

Way magdahum ang Lakers sa kusug nga atake sa opensa sa Grizzlies sa pagpangulo ni Morant og dali silang gibiyaan hangtud nga naglisud na sila pagrekober sa final period diin gibiyaan sila og 20 puntos, 66-86.

Mitampo usab si Dillon Brooks nga adunay 24 puntos, samtang si Jonas Valanciunas mirehistro og double-double nga 22 puntpos ug 20 ka rebounds.

Sa maong kapildehan, naputol ang pito ka sunod-sunod nga daog sa Lakers, apan pabilin gihapon sila sa unang dapit sa West.

Si LA coach Frank Vogel nagkanayon nga makabenipisyo sila sa maong kapildehan tungod kay matun-an nila ang lihok sa Grizzlies kun ugaling mao gyud kini ang musakmit sa No.8 nga magpasabot nga maoy ilang ikaharung sa first round unya sa playoffs.

Human mibusdak og 40 puntos sa miaging kadaugan batok New Orleans Pelicans niadtong miaging Huwebes, si three-time champion LeBron James nalimitahan lang ngadto sa 19 puntos, samtang si Anthony Davis igo ra usab nakahimo og 15.

“They just played a great game. Shot the ball extremely well from the perimeter,” matud ni James. “Ja made four 3s. Dillon was really good all game and

Valanciunas, I think he had like 50 rebounds the last two games. They just played a really good game and kept us at bay.”