Lillard wala pa mahuwasi

CEBU, Philippines — Galungot-lungot pa ang Portland Trail Blazers star nga si Damian Lillard sa gitawag niya nga palpak nga trabaho sa mga referee nga rason sa ilang 114-117 nga kapildehan batok sa Utah Jazz niadtong Sabado sa NBA.

Si Lillard mipadayag sa iyang mga pagsaway gamit iyang social media account kagahapon ug ginganlan niya og bati ang mga referees nga midala sa ilang duwa. Si Lillard nagkanayon nga wala siyay labot kung silotan siya sa NBA. Si Lillard milusot sa katapusang 11.2 segundos nga mutabla unta sa duwa, apan gihapak ni Rudy Gobert sa Jazz ang bola bisan pa og anaa na kini duol sa ring nga klaro nga usa ka goal-tending violation.