AMCOD Thur Blazer, Chicken Proven daog dayon

CEBU, Philippines —  Pulos  gipanglubong sa AMCOD Thur Blazer ug Chicken Proven ang ilang tagsa-tagsa ka mga kaatbang pagsugod sa 1st Dayon Basketball League (DBL) Invitational Basketball Tournament niadtong Sabado diha sa  Sambag 1 Sports Complex, Dakbayan sa Sugbo.

Ang AMCOD  miihaw sa Bulldogs, 77-55 ug gipanamastamasan sab sa Chicken Proven ang Vipers, 99-47 alang sa makabungog nilang kadaogan.

Si Pablo Cabrera mipupo og 13 puntos aron pangulohan ang AMCOD, samtang laing duha niya ka teammates ang miiskor og 10 puntos matag usa.

Naglisud ang AMCOD pagsugod hinungdan nga nabiyaan sila og otso puntos  sa first period, 11-19, apan nanginit  sa mosunod nga mga kuwarter aron moposte og komportabli nga labaw pagtapos sa third quarter, 56-35.

Sa laing bahin, wala batia bisa'g gamay nga kakulba ang Chicken Proven dihang yano kaayo nilang gidominar ang duwa. Gani sa halftime pa lang, nakapanimaho na sila  og sayong kadaogan human milansang og 46-13 nga bentaha.

Gisugat sab og daog Ballers pinaagi sa pagpilde sa Shawn Arjun sa iskor nga 70-63.

Ang 1st DBL Invitational Tournament, usa ka programa ni Sambag 1 barangay councilor Allan Glen Abella. Suportado sab kini sa Dayon Printing Press.

Ang mga duwa gipadagan ni Edwin Dejacto Sr. uban ni Bede Sungahid, Talyo Tamarra, Tedy Cabanada ug Paw Dejacto sa CEBRA.

PUNTOS MATAG USA

Unang duwa:

AMCOD (77) – Cabrera 13, Palagos 10, Artiaga 10, Hoybia 9, Cabanero 9, Torrecampo 7, Obeso 5, Magalang 5, Geraldizo 4, Senining 3, Baguio 2.

BULLDOGS (55) – Satrinas 17, Tagimacruz 14, Manugas 11, Suson 11, Borja 2.

Ikaduhang duwa:

CHICKEN Proven (99) – Limbaga 14, Alcantara 14, Jazell 12, Labrador 10, J. Labrador 9, Zion 8, Taborada 6, Arevalo 6, Atenazeus 6, Navasquez 6, Rubio 4, Alfar 4.

VIPERS (47) – Sotto 13, Rivera 12, Amaba 6, Ursal 5, Obispo 5, Amora 2, Oyanguren 2, Abad 2.

Ikatulong duwa:

BALLERS (70) – Lapera 14, Jmitch 12, Jacalan 10, Escana 10, Cabanilla 8, Gacho 4, Calinawan 4, Baylon 4, Catao 4, Billones 4.

SHAWN Arjun (63) – Abas 22, Polo 14, Asinsista 11, Gabasan 8, Bardon 8.