Lakers midaog na

Cebu, Philippines — Si Anthony Davis mihipos og 21 puntos ug pito ka rebounds sa iyang home 'debut' uban sa Lakers, samtang si LeBron James mikadlit og 32 puntos, 10 ka rebounds ug pito ka assists sa dihang giparot sa Los Angeles ang Utah Jazz, 95-86 sa NBA kagahapon didto sa Staples Center. Dako sab og natampo si Troy Daniels nga miposa og upat ka tres sa iyang 15 puntos alang sa Lakers, kansang solido nga  depensa nakapuwersa sab sa Jazz ngadto sa 23 ka turnovers.Ang Lakers kanunay nga naglabaw gikan sa pagsugod ug misamot pa ang ilang kainit sa ikatulong kuwarter diin si James mirapido og 12 puntos ug si Daniels mibomba og tulo ka tres.Si Donovan Mitchell mipabuhagay og 24 puntos alang sa Jazz nga miduwa nga wala ang injured nilang bag-ong kaplag nga si Bojan Bogdanovic. Didto sa   TD Garden sa Boston, Massachusetts, si Jaylen Brown mikadlit og 25 puntos apil na ang krusyal nga tres sa hilimatyong minutos sa duwa aron aswaton ang Boston Celtics ngadto sa 112-106 nga kadaogan batok sa defending champion 

Toronto Raptors.

Wala sab magpabitin si Jayson Tatum nga mitapos uban ang 25 puntos ug siyam ka rebounds ingon man si Kemba 

Walker nga mitali og 11 sa iyang 22 puntos sa katapusang kuwarter nga nakatabang sa Celtics pagpatilaw sa Raptors sa labing una niining pilde.

Ang Raptors gipangulohan ni Pascal Siakam uban ang 33 puntos. Si Kyle Lowry miposa og unom ka 3-pointers sa iyang 29 puntos alang sa pilderong kawsa.

Sikit kaayo ang kumbati tali sa duha ka kampo nga miresulta ngadto sa 12 ka panagtabla ug 19 ka pag-usab-usab sa labaw. Gawas niini, wa'y nakalabaw og sobra sa siyete puntos ni bisan kinsa sa duha ka habig,

Sa kinatibuk-an, ba-outscored sa Celtics ang Raptors sa final quarter kuwarter, 36-24.

Laraw sa Raptors nga makabawi dayon sa dihang ilang sulngon ang Chicago Bulls karong adlawa.