Pimentel/Alburo, alin team a gisubha'g daog

CEBU, Philippines — Gilihian og daog ang Pimentel/Alburo Customs Brokerage ug ang I&R Alin Logistics Int'l. Corp. sa una nilang duwa sa Aduana Basketball Club Cebu (ABCC) Season 2 Inter-Brokerage Cup 2019 niadtong Huwebes diha sa Cebu Port Authority (CPA) gym sa north reclamation area.

Ang Pimentel/Alburo mipukan sa Rongcales Customs Brokerage sa iskor nga 78-65.

Nagkumbinar og 34 puntos sila si Roger Cayutuna ug Kiefer Isaac Lim aron pangulohan ang scoring sa Pimentel/Alburo.

Si Cayutuna miiskor og 18 puntos nga gipalaman og walo ka rebounds,  duha ka steals ug usa ka assist nga nakapahimo niyang best player of the game, samtang si Lim mitali og 16 puntos ug usa ka assist. Apan ang nakada'g daog mao si Badjo Libran human niya pangulohi ang mahinungdanong rally sa Pimentel/Alburo. Si Libran  mitampo og 12 puntos uban ang pito ka rebounds, lima ka block shots ug usa ka steal,  samtang si Albertnan Potencioso miamot og 11 puntos sa maong kadaogan.

Sa laing bahin, si Francis Palero mipupo og 12 puntos uban ang lima ka rebounds, pito ka assists ug duha ka steals aron ilhong best player of the game sa ilang 94-76 nga kadaogan batok sa Cutarra Customs Brokerage.

Nakatampo sab og dako si Chris Perolino nga miambit og 11 puntos ug walo ka rebounds.

Ang Cutarra gipangulohan ni Marc Santiago sa iyang 18 puntos, gisundan ni Ralph Ecojedo nga adunay 17 puntos.

PUNTOS MATAG USA

Unang duwa:

PIMENTEL/ALBURO – Cayutuna 18, Lim 16, Libran 12, Potencioso 11, Pimentel 9, Bagaan 6, Cartagena 6,

Artezuela 2, Intes 2.

RONGCALES (65) – Rivera 13, Batiller 10, Daculan 7, Caynila 6, Cabrera 6, Rongcales 5, Laborte 4, Bacor 4,

Villaronza 4.

Ikaduhang duwa:

ALIN A (94) – Palero 12, Perolino 11, Barral 9, Filoteo 9, Alin 8, Singson 6, Villomo 6, Lleve 5, Calo 4, Abinales 4,

Estorgio 4, Vasquez 3.

CUTARRA (76) – Santiago 18, Ecojedo 17, Abranilla 8, Eri 7, Arnoco 5, Manulat 4, Ailen 4, Zabate 4.