Serbian coach gitubag ni Guiao
CEBU, Philippines – Wala mahimuot si Gilas Pilipinas coach Yeng Guiao sa pamahayag ni Serbian coach Sasa Dordevic, kinsa mihulagway sa Gilas Pilipinas nga kulang sa kalidad.
Kahinumduman, nga human sa kadaogan sa Serbia batok sa Gilas, 126-67 niadtong Lunes, si Dordevic miingon nga nakita niya ang kakulang sa kalidad sa Gilas resulta sa makauulaw nga pagkalubong ug kinahanglan nilang tutokan kon unsaon pagpalambo sa ilang koponan.
"I think you showed some balance and quickness but obviously you’re missing quality," unang pamahayag ni Dordevic.
Apan mitingkag ang dunggan ni Guiao kay dili makiangayon ang gibuhiang pamahayag ni Dordevic.
"We've qualified for the World Cup for the second straight time, so how can he say that we didn’t have quality ?," matud pa ni Guiao sa ESPN5.
Midespensa si Guiao nga ulahi ang paglambo sa basketbol sa Asya itandi sa Europa ug nga dili angay itandi ni Dordevic ang iyang koponan ngadto sa mga European teams.
"Ang quality ng basketball sa Asia di pa kasing taas ng quality ng basketball sa Europe. But hindi naman ibig sabihin na dahil tinalo ka ng malaki, hindi ka na dapat andito," matud pa niya.
- Latest
