Guiao napresyur
CEBU, Philippines – Duha ka adlaw sa dili pa magsugod ilang kampanya sa FIBA World Cup, si national team coach Yeng Guiao mibati og presyur paghatod sa Gilas Pilipinas ngadto sa second round sa torneyo.
Ang Gilas miabot na sa China kagahapon human sa upat ka oras nga biyahe. Mohimo sila og light practice karon aron masinati nila ang korte sa Foshan International Sports and Cultural Center nga maoy ilang duwaan.
"All the other teams have been in China for the last week or so. But I don't think there's any question with timezones or the weather, so I don't think it'll take long for us to become acclimatized. That's my only concern," matud pa ni Guiao sa ESPN5.
Ang multi-titled coach miingon nga bisan pa sa lisud nga mga kontra, daghan gihapon ang naglaum nga Pinoy fans kanila nga makahimo og surprisa.
Ang Gilas makig-sangka sa Italy, Serbia ug Angola diin kinahanglan nila og duha ka daog aron makasud sa second round.
"I'm excited and at the same time feeling some of the pressure already. At the same time, I'm looking forward to just competing against the best in the world. It's something we can be proud of as Filipinos and for the PBA as a league, that means the league is able to produce players of enough caliber to compete on the world level," matud pa ni Guiao.
Gawas nga mahimo nilang malabwan ang gipakita sa national team ubos ni coach Chot Reyes niadtong 2014 nga misakmit og usa lang ka daog, si Guiao nagtuo nga makakuha sila og Olympic slots kon ugaling sila ang mogawas nga Asian teams nga makasud sa second round.
Gawas sa Gilas, laing Asian teams nga moduwa sa World Cup mao sa host China, Iran ug South Korea.
- Latest
