Poligrates gusto mobalik sa PBA

CEBU, Philippines – Ang kanhi Southwestern University Cobra nga si Eloy Poligrates laraw nga mobalik sa PBA  inig human niya og duwa sa Marinerong Pilipino sa  PBA D-League.

Si Poligrates nakaduwa na sa PBA niadtong 2013 human siya gikuha sa TNT KaTropa sa Rookie Draft, apan milungtad lang og duha ka tuig iyang karera sa liga. Katapusan siya miduwa sa Kia Sorento (karon Columbian Dyip).

"Last chance ko na ito eh," matud pa sa garbo sa Poro, Cebu sa Spin.ph."Magsisikap lang ako para bumalik sa PBA." 

Ang 6-foot point guard mipakita og aksiyon sa MPBL diin mi-average siya og 4.5 points ug 2.3 assists, apan  gusto gyud niya nga moduwa sa PBA.

Pamatuod nga seryoso siya nga makabalik sa PBA, si Poligrates  mipakita og maayong performance  sa  Marinerong Pilipino niadtong   Lunes  sa  gabii diin mirehistro siya og 19 puntos alang sa  ilang 118-71 nga kadaogan batok sa Hazchem.