Batang Gilas nanamilit na sa World Cup

CEBU, Philippines – Natapos na ang kampanya sa Batang Gilas sa FIBA U19 World Cup, apan wala kini makabawon bisan usa ka daog kay napilde sila  sa katapusan nilang duwa   sa Serbia, 60-87 kagahapon didto sa Heraklion Sports Arena sa Greece.

Ang Batang Gilas mitapos sa torneyo nga bitbit ang 0-4 win-loss record. Napilde sab sila sa Greece, Argentina ug Russia.

Hinuon, bisan pa sa kalig-on sa rank No. 4 nga Serbia, ang national youth team nakapakita og maayo labok  sa pagpangulo nila ni Dave Ildefonso ug Kai Sotto nga mitapos og 18 ug 13 puntos matag usa.