Tony Parker miretiro
CEBU, Philippines – Ang kanhi bitoon sa San Antonio Spurs nga si Tony Parker mikompirma sa iyang pagretiro sa basketbol kagahapon human sa 18 ka mabulukon nga tuig sa NBA.
Ang 37-anyos nga garbo sa France nga si Parker, kinsa nakadaog og upat ka NBA titles uban sa Spurs, mi-anunsiyo sa iyang desisyon pinaagi sa usa ka post sa iyang Twitter.
"It's with a lot of emotion that I retire from basketball, it was an incredible journey!" suwat pa ni Parker.
"Even in my wildest dreams, I never thought I would live all those unbelievable moments with the NBA and the French National Team. Thank you for everything!"
Si Parker usa sa labing malampuson nga mga langyaw'ng players nga nakapakita'g aksiyon sa NBA.
Miporma siya og gikahadloka nga trayanggulo sa Spurs uban nilang Tim Duncan ug Manu Ginobili.
Gihamok hinuon siya og injury sa katapusan niyang mga tuig sa Spurs. Sa miaging season, mitapon siya sa Charlotte Hornets diin siya nakaduwa 56 ka higayon, apan bisan kausa wala siya maapil sa starting line-up.
Si Parker, ang NBA Finals MVP niadtong 2007 ug unom ka higayon nahimong All-Star, mi-average og 15.5 points ug 5.6 assists matag duwa sa iyang karera.
- Latest
