Williamson giatngan sa sunod NBA draft
CEBU, Philippines – Naglaway karon ang tanang NBA teams sa pagdeklarar ni collegiate sensation Zion Williamson sa iyang pagsalmot sa sunod nga NBA draft.
Ang 6-foot-7 nga si Williamson dugay nang nimugna og kasikas tungod sa abilidad niini ug nakita nga segurado kini nga mahimong NBA superstar.
Si Williamson nag-average og 22.6 points sa US NCAA ug gihulagway na nga suwerte ang koponan nga makabira kaniya. Si Williamson usa ka high-flyer ug lig-ong bigman ug sama ka dominante ni LeBron James.
Usa sa mga koponan nga dako og tsansa ni Williamson mao ang New York Knicks nga posibleng makakuha sa first pick sa sunod draft. Kun ugaling makuha sa Knicks, suwayan sa koponan nga maporma ang usa ka 'Big Three' diin gidungog sila si Kevin Durant ug Kyrie Irving mamahimo na nga free-agents sa off-season.
- Latest
