Magis Eagles makigtige batok Pinamungajan selection

CEBU, Philippines — Ang Sacred Heart School-Ateneo de Cebu (SHS-AdC) Magis Eagles naglaraw nga palig-onon pa ang ilang preparasyon alang sa umaabot nga Palarong Pambansa sa ilang pakigsangka batok sa GQMM Batang Ungas nga gibitoonan sa labing maayong Under 21 players sa Pinamungajan sa usa ka basketball exhibition game ugma sa gabii didto sa Pinamungajan municipal auditorium.

Sugdan ang ilang kumbati sa alas-6 sa gabii.

Si SHS-Ateneo coach Rommel Rasmo miingon nga ilang gipahimuslan kining maong higayon kay  mangandam  man sila sa mas dakong hagit nga mao ang pagrepresentar sa Central Visayas sa Palarong Pambansa nga gikatakda karong Abril 27 hangtod Mayo 4 didto sa Dakbayan sa Davao.

"We are excited for the   upcoming   game this Sunday against Pinamungajan 21 under. I know we will learn a lot and it is a good exexposure para sa mga bata at malaking tulong ito sa preparation namin sa Palaro. We are also looking forward to more tune-up games," matud pa ni Rasmo nga migiya sa Magis Eagles ngadto sa makasaysayanong upat ka sagunson nga kampiyonato sa Cebu Schools Athletic Foundation, Inc. (CESAFI) juniors basketball gikan sa 2012 ngadto sa 2016.

Ang Pinamungajan usa ka 2nd class nga lungsod nga nahimutang 74  kilometros gikan sa Dakbayan sa Sugbo. Balwarte kini sa duha ka mga banggiitang Pinoy'ng atleta nga sila si June Mar Fajardo ug Manny Pacquiao nga misubay sa iyang kagikan ning maong dapit.

Si Pacquiao, ang kasamtangang WBA welterweight champion, maoy bugtong  eight-division world champion sa kasaysayan sa boksing, samtang si Fajardo, ang 6-foot-10 nga higante sa korte, maoy bugtong nga five-time Most Valuable Player sa kasaysayan sa 

 PBA.

"We are holding this goodwill match not only to provide the Pinamungajanons with a highly entertaining basketball action but also to gauge the strength of our players and see how they will fare against a top caliber team like SHS-Ateneo," matud pa ni event organizer Atty. Marvin Miralles nga maoy nag-umol ug nagpaluyo  sa grassroots basketball program sa Pinamungajan sud sa upat na ka tuig.

Ubos sa paggiya ni head coach Naknak Tan ug sa assistant niining si Harold Bagahansol, ang GQMM Batang Ungas gilangkuban nilang Apolo Angga, Jr., Kurt Stephen Cañada, Regel Papasin, Gil Baroman, John Bjay Dejito, Ezra  Delos Reyes, Janjan Mancao, Dindin Mancao, Junjun Sagmon, Rasched Lazarra, Mario Nesi, Ronron Baiño, Juneill Nuyad, Jaelord Bejic, Jennard Pandac, Andre Cuizon, Mark Reaved Obado ug Paul Andrew Intong.