Aguilar, Thompson tuyo mohatag laing daog sa Ginebra

CEBU, Philippines – Gipasalig sa duha ka sinaligan sa Barangay Ginebra Kings nga wala  sila maluya bisan pa og nag-ensayo  sila uban sa Gilas Pilipinas.

Sila si Japeth Aguilar ug Scottie Thompson gilakip ni Gilas coach Yeng Guiao sa final line-up nga manulong sa Qatar karong Pebrero 21.

Bisan og hapit na sila kada adlaw anaa sa korte, ang duha mipasalig sa Ginebra nga makapakita gihapon sila og nindot nga duwa. Sila si Aguilar ug Thompson moduwa   batok sa Blackwater Elite sa  PBA 'out-of-town' game karong alas-5 sa hapon didto sa Davao. 

Kursonada kaayo ang duha nga motunol sa ikatulo nga daog sa Ginebra aron mosaka ang ilang standing. Sa pagka karon, ang Ginebra   ikalima sa standing uban ang 2-2 nga baraha.