Ginebra vs TNT sa opener
CEBU, Philippines – Magbangga dayun ang duha ka mga lig-ong koponan sa liga nga Barangay Ginebra Kings ug TNT KaTropa sa pagbukas sa season 44 sa PBA karong Domingo didto sa Philippine Arena.
Ang Ginebra maningkamot nga makuha na ang dugay nilang gihandum nga All-Filipino Cup. Sila usab ang defending Commissioner's Cup champion.
Hinuon, andam nga musumpo sa ilang dautang plano ang TNT nga tuyo nga malihian og daog ang ilang kampaniya. Ang KaTropa moduwa nga wala na si Terrence Romeo kinsa ilang gi-trade sa San Miguel Beermen.
Gawas sa Ginebra-TNT showdown, laing atangan sa opening mao ang dungan nga pagpahigayun sa Leo Awards diin ibayaw ang mga players nga mipakita og nindot nga performance sa miaging season.
Usa sa mga giatangan mao kung kinsa ang nganlan nga PBA MVP. Nasayran nga ang four-time MVP nga si JuneMar Fajardo posible nga musakmit og kasaysayan, apan nagbabag sa iyang dalan ang Fil-American star nga si Stanley Pringle sa NorthPort.
- Latest
