Rondo dili kaduwa usa ka buwan sa Lakers
CEBU, Philippines — Ang beteranong guwardiya sa Los Angeles Lakers nga si Rajon Rondo dili makaduwa sud sa usa ka buwan human ma-operahi ang tuo niining kamot.
Kahinduman, nga na-injured ang tudlo ni Rondo atol sa 127-101 nga kadaogan sa Lakers batok sa Golden State Warriors niadtong adlaw sa Pasko. Mihipos siya og 15 puntos, 10 ka assists ug lima ka rebounds sa maong duwa.
Matud pa sa Lakers, nga malampuson ang operasyon ni Rondo, apan mopaubos kini og rehabilitasyon sud sa upat ngadto sa lima ka semana.
"Rajon Rondo, who suffered a Grade 3 sprain to his right ring finger during Tuesday’s game at Golden State, underwent successful surgery to repair a ligament," tipik pa sa opisyal nga pamahayag sa Lakers.
Mao kini ang ikaduhang higayon karon nga season nga naoperahan ang kamot ni Rondo.
- Latest
