Desiderio pirma na'g kontrata
CEBU, Philippines — Ang Sugboanong si Paul Desiderio nipirma na og tulo ka tuig nga kontrata nga balor og P6.5 million uban sa Blackwater Elite.
Si Desiderio ug ang Fil-American nga si Abu Tratter napunta sa Blackwater human sila buhi-i sa NLEX Road Warriors bugti ni veteran forward PJ Erram.
Si Desiderio maoy no. 4 overall pick sa miaging PBA Rookie Draft, apan wala siya kasul-ob sa uniporme sa NLEX dihang giapil siya sa trade alang ni Erram.
Ang 6-foot-1 nga si Desiderio misaka sa drafting human niya gipakita iyang abilidad sa UAAP diin gitabangan niya ang University of the Philippines (UP) nga makasud sa finals.
Sila si Desiderio ug Tratter maoy duha sa tulo ka mga rookie nga moduwa sa Blackwater.
Ang Elite mao usab ang nakakuha ni NBA D-League cager Ray Parks Jr. isip No. 2 sa draft.
- Latest
