Sentro sa Cavs gipamulta'g $15 thousand

CEBU, Philippines —  Gipamulta og  $15,000 (P750,000)  sa NBA ang beteranong sentro nga si Tristan Thompson  gumikan sa dili makiangayon niining binuhatan ngadto sa usa ka fan  atol sa 99-97 nilang kadaogan batok sa Nets didto sa Brooklyn.

Naaktohan si Thompson nga miisa sa tunga-tunga  niyang tudlo ngadto sa mga misuliyaw kaniya sa dihang nagdalidali siya og biya sa korte human sa final buzzer.

Sa maong duwa, si Thompson mikadlit og 19 puntos ug 14 ka rebounds. Iya sab nga gibaraw ang itsa ni Spencer Dinwiddie nga posible untang makapadaog sa Nets dayong kapupos sa oras.