Pagbabalik ni Curry diniskaril ng Pistons

DETROIT-- Humataw si Blake Griffin ng 26 points at tumapos si Andre Drummond na may double-double para pamunuan ang Pistons sa 111-102 paggupo sa bisitang Golden State Warriors.

Ito ang pang-limang sunod na arangkada ng Detroit, nakahugot kay Drummond ng 16 points at 19 rebounds bukod pa ang anim na players na umiskor ng double figures.

Nagbalik si Stephen Curry sa Golden State lineup matapos hindi makita sa aksyon sa nakaraang 11 laro bunga ng groin strain.

Umiskor siya ng 27 points mula sa 10-of-21 fieldgoal shooting kasama ang 3-of-9 clip sa 3-point range.

Naglista si Kevin Durant ng 28 points kasunod ang 21 markers ni Klay Thompson para sa Warriors na dinomina ng Pistons sa offensive glass.

Kumolekta ang Detroit ng 14 offensive rebounds kumpara sa walo ng Gol­den State.

Sa New York, nagpasabog si Emmanuel Mudiay ng 28 points para pangunahan ang Knicks sa 136-134 overtime win kontra sa bisitang Milwaukee Bucks.

Tumipa si rookie forward Kevin Knox ng career-high 26 points para pigilin ng New York ang kanilang two-game losing skid.

Nagdagdag sina Dam­yean Dotson at Tim Har­daway Jr. ng tig-21 points habang may 15 markers si Noah Vonleh.

Binanderahan ni Gian­nis  Antetokounmpo ang Mil­waukee mula sa kan­yang 33 points at 19 rebounds samantalang nag-ambag si Eric Bledsoe ng 27 points.

Sa Houston, nagsalpak si James Harden ng anim na 3-pointers at nagtala ng 30 points para akayin ang Rockets sa 121-105 paggiba sa Chicago Bulls.

Ito ang ikalawang sunod na panalo ng R­ockets matapos pigilin ang season-high na four-game losing skid sa pamamagitan ng 136-105 panalo laban sa San Antonio Spurs kamakalawa.