3 ka SHS-Ateneo swimmers langoy sa World U-Games

CEBU, Philippines — Tulo ka swimmers sa Sacred Heart School-Ateneo de Cebu (SHS-AdC) ang nakaangkon og luna sa World University Games didto sa Napoli, Italy sunod tuig.

Sila si Johann Matthew, Joel Martin Tubesa ug Kent Franzen Cagape apil sa mga ni-qualify alang sa 30th Summer Universiad.

Napili sila gumikan sa impresibo nilang salida sa 3rd Splash and Dash A-B-C Invitational Swim Meet didto sa Antipolo, Rizal  nga maoy qualifying event sa FESSAP alang  sa maong internasyonal nga kompetisyon.

Sa laing bahin, ang SHS-Ateneo mapasi-garbuhon sab sa maanindot nga labok sa ilang mga batos hinungdan sa ilang pagtapos isip runner-up sa 12th Monsignor's Swim Cup niadtong weekend didto sa Panaad Sports Complex sa Dakbayan sa Bacolod.

Sunod nga misyon sa SHS-AdC swimmers mao ang Alaska Ironkids karong Agosto 4 didto sa Shangri-La's Mactan Resort and Spa, Lapu-Lapu City. (BANAT NEWS)