PADS nagpanikad na manalipod sa ilang titulo
CEBU, Philippines – Andam na ang Philippine Accessible Disability Services (PADS) Adaptive Dragon Boat Racing Team nga manalipod sa ilang titulo sa Hong Kong Dragon Boat Carnival karong Hunyo 22 didto sa Central Harbourfront sa Hong Kong.
Ang PADS nga gibitoonan sa pipila ka mga Cebuano paddlers mag-atubang og lisud nga hagit batok sa kapin 100 ka mga dragon boat teams gikan sa nagkadaiyang dapit sa kalibotan.
Mobanat ang PADS sa international open ug international mixed small ug standard boat category.
"I have seen a huge improvement with the team since our very first international race and since then we have been training religiously for this race since last year. We already set our mind to defend our title so we will not just settle down on our capacity, we have to do more and exceed our limits," matud pa ni PADS assistant coach Christian Ian Sy sa usa ka press conference kagahapon didto sa Quest Hotel.
Ang PADS adunay 47 ka mga sakop nga gipangulohan sa team captain niining si Arnold Balais.
- Latest
