Monterroyo/Co-Jordan lider na sa LABA
Sa maong kadaugan, hayag pa sa sidlak sa adlaw ang kahigayonan sa Monterroyo/Co-Jordan nga moabante sa sunod nga round ug posible pang makuha nila ang automatic semifinals slot.
Bisan kulang ang Monterroyo/Co-Jordan, wala kini makapawong sa ilang paglaum nga modaog, hinuon nakadugang kini og kadasig sa pakigbisog aron matuman ang gipangandoy nila nga mokatkat sa unang dapit sa standing.
Ang sentro nga si Michael ‘The Rock’ Tañan ug slasher Marlon Mendoza mao na sab ang migiya sa kadaugan sa team nilang Dr. Raul Monterroyo ug Richard Jordan nga nagbitbit na karon og 7-1 nga baraha. Si Tañan mikuhit og 11 puntos, samtang si Mendoza miligwat og 10 puntos.
Si Rex Gonzaga mao lang ang miiskor og double figures sa Realtor nga adunay 19 puntos ug upat ka rebounds.
Labaw ang Realtor sa halftime, 35-24, apan gihinay-hinayan kini’g kitkit sa Monterroyo/Co-Jordan hangtod nga nilabaw sila og tres puntos, 47-44 paghuman sa third period. Nakatabla ang Realtor, 49-all sa fourth quarter, apan si Florentino Ecot mipasud sa ikatulo niyang 3-pointer aron hatagan ang Monterroyo og tres puntos nga bentaha dayon.
Sa laing duwa, nabugto na ang pito ka sunod-sunod nga daog sa Our Lady of Lourdes human madisgrasya sa team Quiñahan, 48-61.
Ang Quiñahan nga adunay 5-4 record, gipangulohan ni Aldrin Gonzaga sa iyang 15 puntos, gisundan nilang Raymundo Carvajal ug Peter Bucabal nga mitampo’g 10 puntos matag usa.
Samtang ang nangu sa Our Lady of Lourdes nga adunay 7-1 nga baraha mao si Canjo Echavez sa iyang 15 puntos.
Sa laing aksiyon, ang MS Motosuit/Top-V miiskor na sab og daog dihang ilang gipanitan og maayo ang SIBA Tigers, 108-61.
Lima ka players sa MS Motosuit/Top-V ang miiskor og double figures pinangulohan ni Rechel Bamba pinaagi sa iyang 23 puntos.
Si Lou Ornopia miratsada og 14 puntos, gisundan nilang Topper Villalon, Alexam Amaga ug Ramil Estremos nga parehong adunay 10 puntos.
Puntos matag usa
Unang duwa:
QUIÑAHAN (61) – A. Gonzaga 15, Carvajal 10, Bucabal 10, Cena 8, Ermac 8, Marturillas 6, Alburo 4.
Our Lady of Lourdes (48) – Echavez 15, Bercero 9, Grafe 5, Pacquiao 4, Monsanto 4, Sebandal 4, Rabanal 3, Incorporado 2, Duhaylungsod 2.
Ikaduhang duwa:
MS Motosuit/Top-V (108) – Bamba 23, Ornopia 14, Villalon 10, Amaga 10, Estremos 10, R. Suico 6, D. Suico 6, Aligway 6, Cañete 6, Ceniza 6, Apas 5, Sicad 4, Mauro 4, Son 2.
SIBA Tigers (61) – Marquez 16, Velasco 11, Pelarios 10, Arreglo 8, Baguio 8, Yatan 6, Borgonia 4.
Ikatulong duwa:
Monterroyo/Co-Jordan (63) – Tañan 11, Mendoza 10, Ecot 9, Jordan 8 Caballero 8, Tantuan 6, Paciencia 4, Monterroyo 4, Landiza 3, Ramos 2.
Realtor (58) – R. Gonzaga 19, A. Pestaño 7, Catapusan 6, Ygoña 6, Ocier 3, Tupaz 3, Dawal 2, S. Pestaño 2, Ramirez 2, Costanilla 2, Auman 2, Commendador 2, Rama 2. (BANAT NEWS)
- Latest
