Hotshots makigsawo liderato sa Aces

CEBU, Philippines - Tumong sa wa’y pildeng  Star Hotshots nga masakmit ang ikaupat nga sunod-sunod daog aron makigsawo sa liderato sa standing uban sa Alaska Aces sa PBA Commissioner’s Cup karong adlawa.

Ang Star moharong sa Mahindra Floodbuster sa alas-4:15 sa hapon didto sa Smart Araneta Coliseum.

Kinahanglan mangandam ang Hotshots sa bag-ong import sa Floodbuster nga si Keith Wright nga mihulip  ni James White.  Si White mi-average og 30.5 points ug 18.5 rebounds sa Mahindra, apan giilisan gihapon siya ni Wright, kinsa gituohan nga mas makahatag og nindot nga performance sa koponan.

Sa main game sa alas-7 sa gabii, aduna na gyu’y makadaog sa duwa tali sa Barangay Ginebra San Miguel ug GlobalPort Batang Pier. (BANAT NEWS)