Bowles gipapauli sa TNT

CEBU, Philippines - Mihimo og kalit nga desisyon ang coaching staff sa TNT KaTropa  dihang ilang  gipapauli  ang  kanhi PBA best import nga si Denzel Bowles.

Si TNT team manager Virgil Villavicencio mitug-an nga rason sa ilang pagpapauli ni Bowles mao nga wala sila matagbaw sa gipakita sa  beteranong import atol sa ilang team practices. Nakita usab nila nga wala sa kondisyon si Bowles hinungdan nga wala sila  mopadayon   pagkuha niini isip ilang reinforcement.

Gawas sa TNT, ang Alaska Aces wala usab mopadayon pagkuha sa  una nilang  import nga si Octavius Ellis  nga wala makaduwa tungod kay adunay personal nga problema nga angay’ng ulion sa Estados Unidos. (BANAT NEWS)