Thompson gihisama ni Jaworski
CEBU, Philippines - Sa ikaduha palang niyang tuig sa PBA, si Barangay Ginebra point guard Scottie Thompson nahimo nang usa sa mga sinaligan sa iyang koponan ug labing misidlak siya sa rebounding diin siya nag-average og 10.9 rebounds matag duwa.
Tungod niini, si Thompson gihisama na karon sa 'living legend' sa Ginebra nga si Robert Jaworski kinsa maoy labing maayong guwardiya nga rebounder sa kasaysayan sa liga.
Si Thompson mipakita sa iyang kasalto ug kaabtik sa pagbira sa rebounds human siya mirehistro og 15 ka rebounds atol sa ilang duwa batok sa Blackwater Elite niadtong Biyernes. Ikatulo siya karon sa rebounding statistics sunod nila ni June Mar Fajardo sa San Miguel Beermen nga adunay 15.4 ug Raymond Almazan nga adunay 11.6.
“I don’t think I ever had a guy like him. But the last that I’ve ever watched that is remotely like him was Robert Jaworski,” matud pa ni Ginebra coach Tim Cone.“I used to watch him as a kid. Scottie got No. 6 and Sonny is no. 7. He’s still a few rungs below Sonny Jaworski. But I think in terms of rebounding they’re at par.”
Midugang pa si Cone nga ang abilidad ni Thompson sa rebounding isip usa ka point guard anaa sa level sa NBA. Nakita niya nga mahimo unyang Russell Westbrook sa Pilipinas ang iyang batos kun magpadayon ang maong performance.
“Right now, I think Westbrook is a great rebounding guard as well and he’s putting up triple-doubles. I don’t want to put a lot of pressure on Scottie, but I think eventually he could put up some Westbrook numbers,” segun pa ni Cone. (BANAT NEWS)
- Latest
