Pacquiao wa miapil sa presscon

Gilaktawan na ni WBO welterweight champion Manny Pacquiao ang naandan nga post-fight press conference aron usab mudagan sa tambalanan tungod sa iyang gisi sa ulo nga nakuha atol sa ilang sangka ni Jessie Vargas.

Si Pacquiao kinahanglan og 16 ka tahi aron masira ang dakung gisi sa iyang agtang nga resulta sa usa ka accidental headbutt ni Vargas atol sa 12th round.

Palasyo mi-congratulate ni Pacman

Daling mipadangat sa ilang 'congratulations' ang mga opisyal ug cabinet members sa Palasyo sa Malacañang human sa makasaysayanong kadaugan ni Manny Pacquiao kinsa maoy bag-ong WBO welterweight champion.

Si Presidential Communications Secretary Martin Andanar nagkanayon nga usa ka dakung inspirasyon si Pacquiao sa tibuok nasud ug naglaum siya nga mopakita usab og kaisug ang mga Pinoy batok sa mga suliran sa nasud ilabi na sa pakigsangka sa ilegal nga drugas.

Zhou nahimong world champ

Hingpit nang nahimong usa ka world champion si Chinese boxing star Zhou Shiming human niya gisakmit ang bakanteng WBO flyweight title pinaagi sa unanimous decision batok ni Thai Prasitsak Phaprom sa undercard sa Pacquiao-Vargas fight kagahapon didto sa Thomas & Mack Center sa Las Vegas.