Jaguars, Panthers daog dayon sa Carcar
CEBU, Philippines - Ang University of San Jose-Recoletos (USJ-R) Jaguars ug University of Southern Philippines Foundation (USPF) Panthers mipilde sa tagsa-tagsa nila ka mga kontra pagsugod sa 1st Mayor Nice Apura Cup Inter-Collegiate Basketball Invitational niadtong Biyernes didto sa Carcar City Sports Complex.
Si Juan Miguel Gastador mipabuto og 24 puntos sa dihang gilat-an sa Jaguars ang reigning Cebu Schools Athletic Foundation, Inc. (CESAFI) champion University of the Visayas (UV) Green Lancers, 100-68, samtang sila si Lyndon Colina ug Clyde Avancena nagkumboya og 22 puntos alang sa Panthers nga mipahit sa University of San Carlos (USC) Warriors sa iskor nga 86-77.
Mipahimus ang Jaguars sa kahigayonan nga kuwang og tawo ang Lancers kay wala na sila molingi pa sukad nga mibulhot ngadto sa sayong 21-19 nga labaw.
Miabag ni Gastador sila si Ricky Peromingan ug Jaybie Mantilla nga nagkumboya og 33 puntos.
Sa laing duwa, ang Panthers nagsandig sa init nga ratsada sa naghinapos nga bahin aron pagpukan sa Warriors.
Alkanse sila og usa ka lugas human sa tulo ka kuwarter, apan milusad og 31-21 rally sa end game aron pagpahagba sa Warriors.
- Latest
