Dormakaba 5-0 na sa A+EBA Cagefest
CEBU, Philippines - Si Ed Bonphyl Macasling mipatuasik og 19 puntos uban ang tulo ka assists ug duha ka steals sa dihang gilabhan sa Dormakaba og usab ang Phoenix, 72-49 alang sa ikalima nilang sagunson nga daog sa Architects+Engineers Basketball Association's 2nd Corporate Cup niadtong Domingo didto sa Chiang Kai Shek gymnasium sa Cebu Eastern College.
Midugang og 15 puntos si Jordan Alano uban ang lima ka rebounds, si Jonas Panerio mitapos og 12 puntos ug si Niel Benedicto miamot og 11 puntos ug 10 ka rebounds sa Dormakaba nga mikulata sa Phoenix gikan sa pagsugod hangtod nga nahuman ang duwa.
Sa laing mga duwa, si Michael Vincent Cinco miratsada og 26 puntos, lima ka rebounds ug upat ka assists sa Davies Paints nga misubli og parot sa Megabond, 64-61, samtang sila si Brian Acebedo ug Ayi Armenion nagkumboya og 35 puntos, 13 ka rebounds, lima ka steals ug tulo ka assists sa Sea Olympus nga mipukan sa Fenestram, 68-61, sud sa overtime. (BANAT NEWS)
- Latest
