Sniper Hotshots 3-0 na sa chc

CEBU, Philippines - Gipatilaw sa Sniper Hotshots sa una nilang pilde ang Platoon Slashers dihang naka-ipsot sila kagahapon sa iskor 79-77 sa sangka sa mga way pilde ubos sa 44-Below Division sa nagpadayon nga Compostela Hardcourt Club basketball tournament didto sa D.M. Reynes gym sa lungsod sa Compostela.

Sa laing duwa ubos gihapon sa 44-Below Division, midaog sab og dos puntos ang Commandos Squads batok sa Cops Black Tigers, 66-64.

Sa ikatulo ug kataposang duwa kagahapon, nag-una na sa 45-Above Division ang Fighting Spirit sa ilang 3-1 nga baraha human ilang gipukan ang Unlimited Breath nga gipangulohan sa CHC preisdent nga si Rey Gala sa iskor, 69-60 aron hatagan ang nauwahi og 0-4 nga baraha.

Ang Sniper Hotshots kinsa wala gihapo'y pilde human sa tulo ka duwa sa ilang 3-0 nga baraha, gipangulohan ni Jimboy Oposa kinsa miposa og 18 puntos samtang sila si Jade Lawas ug Harry Espante midugang og 15 ug 14 puntos matag usa ug lain pa gyung duha ka teammates ang miamot og 10 puntos matag usa.

Ang Platoon Slashers kinsa midailos ngadto sa 3-1 nga baraha, gipangulohan ni Alvin Castro sa iyang 31 puntos ug may 17 puntos si Ronald Tampipi.

Sa sayo pa, naghagdan nga puntos ang gihimo nilang Cocoy Son, Alvin Oposa ug Jimilo Banzon alang sa Commandos Squad samtang mihakot og 20 puntos si Glenn Rosal alang sa 1-3 nga Cop Black Tigers. Gawas kang Dale Respecio kinsa miamot og 13 puntos, wala nay laing player sa Black Tigers nga mihimo'g double figures.

Sa laing bahin, si Esio Tejero maoy nangu sa Fighting Spirit sa iyang 20 puntos ug may 18 ug 14 puntos silang Rudy Puebla ug Rowen Velasco.

Ang Unlimited Breath gipangulohan nilang Lito Rico sa iyang 21 puntos ug may 16 puntos si Jorge Labuen samtang si Gala miamot og singko puntos.

Puntos matag usa:

First Game: (44-Below)

Commandos Squads (66) – Son 13, Oposa 12, Banzon 11, Gatdula 9, Bequilla 8, Nerbias 8, Paradiang 5.

Cops Back Tigers (64) – Rosal 20, Respecio 13, Verdida 9, Marolina 7, Mejias 6, Rondina 5, Goc-ong 4.

Second Game: (44-Below)

Sniper Hotshots (79) – Oposa 18, Lawas 15, Espante 14, Morales 10, Wagas 10, Espejo 3, Amor 3, Golosino 3, Brioso 2, Lupo 1.

Platoon Slasher (77) – Castro 31, Tampipi 17, Castro 6, Nival 5, Francisco 4, Ebas 4, Villegas 3, Lasit 3, Penaranda 2.

Third Game: (45-Above)

Fighting Spirit (69) – Tejero 20, Puebla 18, Velasco 14, Gatdula 8, Dianon 6, Cohitmingao 2, Apas 1.

Unlimited Breath (60) – Rico 21, Labuen 16, Son 8. Gala 5, Amor 5, Garcia 4, Entanto 1. (BANAT NEWS)