Pope Francis ‘champion of faith’
CEBU, Philippines - Si Pope Francis maoy labing unang Santo Papa nga nakadawat og opisyal nga boxing champion belt dihang gibayaw siya sa World Boxing Council (WBC) isip “Champion for kindness, virtue and hope”.
Sa gipagawas nga pamahayag sa WBC, si Pope Francis ilang gihatagan sa maong bakus sa pagbisita sa Santo Papa didto sa Mexico nga nabantog nga usa ka boxing country.
Si WBC president Mauricio Sulaiman mao mismo ang mitunol sa WBC championship belt ngadto ni Pope Francis kinsa gitawag usab nga Champion of Faith.
Ang WBC nga maoy usa sa mga labing dakung boxing organization sa kalibotan mituo sa dakung papel sa Santo Papa sa pagpalig-on sa pagtuo sa mga Kristiyanos ilabi na ngadto sa Mexico diin mas daghan ang mga Katoliko. (BANAT PALARO)
- Latest
